Arhopalus rusticus

Arhopalus rusticus
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Coleoptera
Familia	Cerambycidae
Generoa	Arhopalus
Espeziea	Arhopalus rusticus Linnaeus, 1758

Arhopalus rusticus Cerambycidae familiako kakalardoa da, zientziarako Lineok 1758an deskribatu zuena^[1]. Europan eta Asian bizi da, Siberian, Txinan, Japonian eta Pakistanen aurkitu baita^[2]. Euskal Herrian ere aurkitzen da^[3].

Tamaina txiki ertaineko kakalardoa da, 10-30 mm artean neurtzen baititu. Gorputza luzea eta zapala du eta ile motz motzak estaltzen du. Elitroek bi edo hiru arrail azaltzen dituzte. Gorputz guztiak kolore marroia du, hala buruak, pronotoak, elitroek, antenek eta hankek. Horrela enborrarekin mimetizatzen da^[4].

Buruaren alboetan begi beltz handiak ditu. Emeen antenek gorputzaren luzeraren erdia neurtzen dute eta arren antenak luzeagoak dira, gorputzaren bi heren ingurukoak.

Beldarra zuria da eta helduak bezala zapala. 28-39 mm luze izaten da.

Konifero basoetan aurkitzen da. Zuhaitzen enborraren oinarrian habia egiten du eta egunez bertan ezkutatzen da^[4]. Gauez da aktiboa eta herrietako argiek erakarri egiten dute. Hegalari onak dira. Emeak gai dira 18 kilometro gelditu gabe hegan egiteko^[4].

Helduak ekaina erdialdetik abuztu erdialdera ikusten dira. Ilunabarrean kopulatzen dute eta emeek zuhaitzen enborren azalean 800 arrautza jartzen dituzte. 2-3 astetara beldarrak jaiotzen dira eta zuhaizten azalaren azpialdean zurez elikatzen dira. 6-7 mm diametrodun tuelak egiten dituzte^[4]. Bi negutan hibernatu egiten dute eta hirugarren urtearen udaberrian pupa eratzeko ganbera sortzen dute enbor barnean. 14-21 egun pupa egoeran egon ondoren jaiotzen dira Arhopalus rusticus helduak.

• 
  Heldua.
• 
  Heldua.
• 
  Buruaren argazkia, begia eta antenaren oinarria.

• Datuak: Q1265892
• Multimedia: Arhopalus rusticus / Q1265892
• Espezieak: Arhopalus rusticus