Hipparchia alcyone

Hipparchia alcyone
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Nymphalidae
Leinua	Satyrini
Generoa	Hipparchia
Espeziea	Hipparchia alcyone Linnaeus, 1764
Datu orokorrak
Ostalaria	Festuca ampla eta Festuca paniculata

Hipparchia alcyone Euskal Herrian aurki daitekeen tximeleta bat da, Nymphalidae familiakoa. Europa hegoaldean eta erdialdean bizi da bizi da, Afrika iparraldean eta Anatolia penintsulan ere bai.

Denis eta Schiffermüler naturalista austriarrek deskribatu zuten 1775. urtean.

Tximeleta handia da, 50-62 mm arteko hegal zabalera du^[1]. Tximeleta marroi iluna da eta banda zuri-horixka zabal batek zeharkatzen ditu hegalak. Nabarmenagoa da atzeko hegaletan. Aurreko hegaletan ozelo handi bana eta txiki bana ditu. Tximeleta emea antzekoa da, zerbait handiagoa eta bandak argiagoak dira^[1].

Hegalen azpialdeari dagokionez, aurrealdeko hegala oso antzekoa da, atzeko hegalak aldiz bi eremu bereizten ditu, marroi ilun jaspeatua eta gris argi edo horixka.

Beldarra marroi argia da eta bizkarrean marra ilun nabarmena du aurretik atzealderaino. Alboetan ere baditu marra marroi ilunak^[2].

Belaunaldi bakarra ateratzen du urtean eta ekainetik irailera ikusten da hegan^[2]. Beldarra elikatuko den landarean edo handik gertu jartzen ditu arrautzak. Beldarra gramineotaz elikatzen da eta neguan hibernatu egiten du. Udaberrian pupa gorrixka bat eratzen du eta handik tximeleta heldua aterako da^[1].

Basoen soilgunetan eta eremu zabaletan bizi da, itsasoaren mailatik hasi eta 2.000 metrotako altueraraino. Zuhaitzen enborrean pausatzen da eta oso ongi kamuflatzen da^[1].

• 
  Tximeleta emea.
• 
  Hegalen azpialdea.
• 
  Tximeleta erraz kamuflatzen da enborrean.

• Datuak: Q1428741
• Multimedia: Hipparchia hermione / Q1428741