Lasiommata megera

Lasiommata megera
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Lepidoptera
Familia	Nymphalidae
Leinua	Satyrini
Generoa	Lasiommata
Espeziea	Lasiommata megera Linnaeus, 1767
Datu orokorrak
Ostalaria	Dactylis, Holcus, Agrostis, Deschampsia, Aegilops geniculata, Hordeum, Poa, Larre-olo, arrauka, Stipa pennata, Bromus hordeaceus, Llollobelar eta Poa annua

Lasiommata megera Nymphalidae familiako tximeleta bat da. Eremu Paleartikoan hedaturik dago, Europan, Asian eta Afrika iparraldean^[1].

Lineok deskribatu zuten 1767. urtean.

Tamaina ertaineko tximeleta da, 36-50 mm arteko hegal-zabalera du. Laranja koloreko hegalak ditu sare itxura duten marra marroiez zatikatuak. Aurrekaldeko hegaletan ozelo nabarmen bana ditu eta atzeko hegaletan ozelo txiki batzuk. Azpialdeaz aurreko hegala gainaldearen antzekoa da, bere ozelo eta guzti, atzeko hegala aldiz grisa, marra ez-jarraituak diteuna eta hainbat ozelo txiki ere azaltzen ditu^[2].

Beldarra berde argia da, eta alboetan lerro zurixka bat du.

Hainbat belaunaldi izaten ditu eta otsaila eta urria artean ikusten dira tximeletak hegan. Beldarra elikatuko den landarearen hosto eta adarretan jartzen ditu arrautzak. Handik beldarra ateratzen da eta negu partean hibernatu egiten du. Udaberrian pupa sortu eta tximeleta heldua ateratzen da^[3].

Toki malkartsuetan bizi da, arroka artean edo belardietan ikusten da. Itsasoaren mailatik 2.000 metro arteko altueran aurkitzen da. Eremu lehorrak atsegin ditu. Hegalen azpialdeko kolore gris marrazkidunari esker lurrean pausatzen denean oso ongi kamuflatzen da^[3].

• 
  Tximeleta arra.
• 
  Tximeleta emea.
• 
  Hegalen azpialdea.
• 
  Beldarra.

• Datuak: Q1434652
• Multimedia: Lasiommata megera / Q1434652
• Espezieak: Lasiommata megera