Nafarroako Erdialdea

Artikulu hau eskualde geografiko eta tradizionalari buruzkoa da; banaketa administratiboa gaitzat duena beste hau da: «Erdialdea (eskualdea)»

Nafarroako Erdialdea Nafarroa Garaia osatzen duten hiru eskualde geografiko eta tradizionaletako bat da, Erriberarekin eta Mendialdearekin batera. Bi horien artean dago, Erribera horiaren eta Mendialdea berdearen arteko trantsizioa eginez. Iparraldean, Pirinioetako eta Euskal Mendietako mendilerroek mugatzen dute, hala nola Urbasa, Andia, Sarbil, Erreniega, Alaitz, Izko edo Leire. Horiek guztiak 1000 metroko altuerara iristen dira. Hegoaldean, mugak zehaztugabeagoak dira, baina irizpide orokorra ibarren amaiera eta Erriberako lautadaren hasiera da.