Pyrochroa serraticornis

Pyrochroa serraticornis
Irudi gehiago
Sailkapen zientifikoa
Erreinua	Animalia
Filuma	Arthropoda
Klasea	Insecta
Ordena	Coleoptera
Familia	Pyrochroidae
Generoa	Pyrochroa
Espeziea	Pyrochroa serraticornis Scopoli, 1763

Pyrochroa serraticornis Pyrochroidae familiako kakalardoa da. Europan guztian bizi da eta kolore gorri biziagatik da ezaguna. Euskal Herrian ere aurkitzen da^[1]. Pyrochroa coccinea espeziearen oso antzekoa da, baina hark buru beltza du eta honek gorria.

Generoaren izena den Pyrochroa izenak "suaren kolorekoa" esan nahi du eta espeziearen serraticornis izenak adar zerratuak esan nahi du dituen orrazi itxurako antenei erreferentzia eginez.

10-15 mm arteko luzera duen kakalardo txikia da. Burua, pronotoa eta elitroa kolore gorri bizikoak dira, begiak, antenak, hankak eta sabelaldea aldiz beltzak. Antena luzeak ditu, orrazi itxura dutenak. Gorputza luzea eta zapala da, elitroak borobiltsuak dira.

Beldarra luzea eta zapala da eta kolore argia du. Amaieran sardeska itxurako egitura bat du.

Basoetan eta parke eta lorategietan ikusten dira. Loreetan zelatan egoten dira eta intsektuak ehizatzen dituzte.^[2]

Helduak maiatza eta uztaila artean ikusten dira. Emeak enborretako azalaren azpiko pitzaduretan jartzen ditu arrautzak. Handik beldar zapalak ateratzen dira, miriapodoen antza dutenak, eta enbor barnean bizi diren bestelako intsektuen larbetaz elikatzen dira^[2]. Beldarrak bi urte irauten ditu eta ondoren pupatu eta heldua jaiotzen da.^[3]

• 
  Kakalardo heldua lore gainean zelatan.
• 
  Kakalardoa eskuan, tamaina ikusteko.
• 
  Kakalardoaren aurrealdea.
• 
  Beldarra.

• Datuak: Q212321
• Multimedia: Pyrochroa serraticornis / Q212321
• Espezieak: Pyrochroa serraticornis