Zhou Yaqin

Zhou Yaqin
Irudi gehiago
Bizitza
Jaiotza	Hunan, 2005eko azaroaren 12a (18 urte)
Herrialdea	Txinako Herri Errepublika
Jarduerak
Jarduerak	gimnasta
Parte-hartzailea Olympic Hopes Cup Liberec 2019 ^(en) artistic gymnastics at the 2024 Summer Olympics ^(en)

Zhou Yaqin (txinera sinplifikatuz: 周雅琴; pinyinez: Zhōu Yǎqín) (Hengyang, Hunan, 2005eko azaroaren 12a) kirolari txinatarra da, gimnastika artistikoan lehiatzen dena^[1]. 2024ko Udako Olinpiar Jokoetan oreka-barran zilarrezko domina eskuratu zuen.

Biografia

Hiru urte zituela hasi zen gimnastika egiten^[1]. 2019ko Txinako txapelketak 13. egin zuen aparatu guztien proban. Nazioartean Esperantza Olinpikoen Kopan egin zuen debuta Txekian eta taldeka urrea lortu zuen. 2020ko Txinako txapelketan oreka-barran txapelduna izan zen^[2]. 2021ean ere txapelduna izan zen^[3] eta 2022an laugarren egin zuen.^[4]

2023ko Txinako txapelketan lurreko proban izan zen txapelduna^[5] eta Anberesen jokaturiko munduko txapelketan oreka-barran urrezko domina eskuratu zuen. Aparatu guztien proban laugarren egin zuen.^[6]

2024. urtea Munduko Kopan, Cottbuseko ekitaldian, urrezko bi domina eskuratuz hasi zuen lurreko eta oreka-barrako probatan^[7]. DTB Pokal Team Challenge lehiaketan urrezko domina eskuratu zuen Txinako taldearekin eta lurreko proban bosgarrena izan zen. Parisko Olinpiar Jokoetan aparatu guztietan seigarren izan ondoren oreka-barran zilarrezko domina eskuratu zuen. Olinpiar Jokoetako irudi gogoangarrietako baten protagonista izan zen, podiumean zituen italiar biak haien dominari hortzaka egiten ikustean, ekintza ulertu ez arren hark ere domina ezpainetara eraman zuelako.^[8]

Palmaresa

Udako Olinpiar Jokoak
Urtea	Lekua	Domina	Proba
2024	Paris ( Frantzia)	02 !	oreka-barra
Munduko Txapelketak
Urtea	Lekua	Domina	Proba
2023	Anberes ( Belgika)	02 !	oreka-barra

Erreferentziak

↑ ^a ^b «ZHOU Yaqin - FIG Athlete Profile» www.gymnastics.sport (Noiz kontsultatua: 2024-08-15).
↑ (Ingelesez) «2020 Chinese Senior Individual Championships Results» The Gymternet 2020-10-28 (Noiz kontsultatua: 2024-08-15).
↑ (Ingelesez) «2021 Chinese National Games Results» The Gymternet 2021-09-26 (Noiz kontsultatua: 2024-08-15).
↑ (Ingelesez) «2022 Chinese Championships Results» The Gymternet 2022-09-10 (Noiz kontsultatua: 2024-08-15).
↑ (Ingelesez) «2023 Chinese Championships Results» The Gymternet 2023-05-29 (Noiz kontsultatua: 2024-08-15).
↑ (Ingelesez) CGTN. «Quick rise of artistic gymnast Zhou Yaqin comes from solid work» news.cgtn.com (Noiz kontsultatua: 2024-08-15).
↑ «Champions in Cottbus! All the thrills from a World Cup weekend to remember» www.gymnastics.sport (Noiz kontsultatua: 2024-08-15).
↑ (Ingelesez) «Chinese gymnast reacts to competitors medal biting on Olympic podium» The Independent 2024-08-07 (Noiz kontsultatua: 2024-08-15).